„Viltu koma að leika?“ : handbók með hugmyndum að hreyfingu fyrir börn á leikskólaaldri

LeikskólabrautÞetta verkefni er unnið sem grunnur að handbók sem inniheldur hugmyndir að markvissri hreyfingu leikskólabarna á aldrinum þriggja til sex ára, ásamt greinargerð um mótun heilbrigðra lífshátta barna á leikskólaaldri. Hér er hreyfing leikskólabarna fléttuð saman með námssviðum leikskóla. Hugmyndabankinn samanstendur af tímaseðlum, leikjabanka og atriðum sem kennarinn þarf að hafa í huga þegar kemur að hreyfingu barna. Það er mikilvægt að hreyfing sé lífsstíll barnanna. Rannsóknir hafa sýnt að það hefur orðið ör fjölgun of þungra og of feitra einstaklinga og er það orðið eitt algengasta heilsufarsvandamálið í dag. Einnig sýna rannsóknir á þriggja til fimm ára börnum að þetta mynstur greinist mjög snemma, því að börn sem eru of þung hreyfa sig marktækt minna en börn sem eru í kjörþyngd. Þess vegna er áríðandi að grípa strax inn í hreyfiþátt barna til þess að koma í veg fyrir frekari þróun. Leyfum börnum að finna að hreyfing er skemmtileg en ekki kvöð. Þau eiga að fá að upplifa hana sem jákvæðan leik og skemmtun. Með því aukum við líkurnar á því að þau hreyfi sig þegar þau verða eldri